உதவிப் பேராசிரியர் பணிக்கு விண்ணப்பிக்க கால அவகாசம் நீட்டிப்பு

உதவி பேராசிரியர் பணிக்கு விண்ணப்பிப்பதற்கான கால அவகாசம் நவம்பர் 15-ம் தேதி வரை நீட்டிக்கப்பட்டுள்ளது. இம்மாதம் இறுதியுடன் கால அவகாசம் முடிய இருந்த நிலையில் அவகாசத்தை நீட்டித்து ஆசிரியர் தேர்வு வாரியம் அறிவித்துள்ளது.

அரசு கலை மற்றும் அறிவியல் கல்லூரி மற்றும் கல்வியியல் கல்லூரிகளுக்கான உதவிப் பேராசிரியர் பணிக்கு விண்ணப்பிக்க இணையவழியாக 30.10.2019 கடைசி தேதியாக அறிவித்திருந்தது. விண்ணப்பிக்கும் தேதியை நீட்டிக்க கோரி ஆசிரியர் தேர்வு வாரியத்திற்கு கோரிக்கைகள் வந்து கொண்டிருந்தன.

இதனை தொடர்ந்து விண்ணப்பிக்கும் காலத்தை நீட்டித்து நவம்பர் 15 ஆம் தேதி  மாலை 5 மணி வரை விண்ணப்பிக்கலாம் என ஆசிரியர் தேர்வு வாரியம் அறிவித்துள்ளது.