தூத்துக்குடி மாவட்டம் சாத்தான்குளத்தில் கடந்த சில நாட்களுக்கு முன்பு விசாரணைக்கு அழைத்துச் செல்லப்பட்ட தந்தை, மகன் காவல்துறையினர் கடுமையாக தாக்கியதால் உயிரிழந்தனர். ஜூன் 19-ம் தேதி இரவு காவல்நிலையத்துக்கு அழைத்துச் செல்லப்பட்ட அவர்களை கடுமையாக லத்தியால் தாக்கியுள்ளனர். அதோடு அடுத்த நாள் சாத்தான் குளம் அரசு மருத்துவமனைக்கு அழைத்துச் சென்று அவர்களுக்கு பிட்னஸ் சான்றிதழை காவல்துறையினர் வாங்கியுள்ளனர். அதன்பிறகு மாஜிஸ்திரேட் ஒருவர் வாரண்ட் வழங்கியதை அடுத்து அவர்கள் இருவரும் கோவில்பட்டியில் உள்ள கிளைச் சிறையில் அடைக்கப்பட்டனர். சிறையிலேயே தந்தை ஜெயராஜ் உயிரிழக்க, கோவில்பட்டி அரசு மருத்துவமனையில் அனுமதிக்கப்பட்ட மகன் பென்னிக்ஸ் சிகிச்சை பலனின்றி உயிரிழந்தார். இந்த மரணங்கள் நாடு முழுவதும் கடும் அதிர்வலைகளை ஏற்படுத்தியது. இதனையடுத்து உயர்நீதிமன்ற மதுரை கிளை தாமாக முன்வந்து இந்த வழக்கை விசாரணை நடத்தி வருகிறது.
இந்த விடியோவை தவறவிடாதீர்கள்!!!