நித்தியானந்தாவிடம் பிரசாதம் வாங்கிய சின்மயி? #FactCheck

பிரபல பாடகியான சின்மயி எப்போதும் சமூக வலைத்தளங்களில் ஆக்டிவாக இருப்பவர். வைரமுத்து தனக்கு பாலியல் ரீதியாகத் தொந்தரவு கொடுக்கிறார் எனத் தைரியமாக புகார் அளித்து, தொடர்ந்து பெண்களுக்கு ஏற்படும் பாலியல் ரீதியான தொந்தரவுகள் குறித்தும் குரல் எழுப்பி வருகிறார்.

இவரது செயல்களுக்குச் சிலர் ஆதரவு தெரிவித்தாலும், பலர் எப்போதும் சமூக வலைத்தளங்களில் இவருக்கு எதிரான கருத்துக்களைத் தெரிவித்து வருகிறார்கள். இந்நிலையில் சமீபத்தில் நித்தியானந்தாவிடம், சின்மயி மற்றும் அவரது தயார் இருவரும் பிரசாதம் வாங்குவது போன்ற புகைப்படம் வைரலானது. இதனைப் பார்த்ததும், பாலியல் குற்றங்களுக்குக் குரல் கொடுத்துவிட்டு, நித்தியானந்தாவிடம் பிரசாதம் வாங்குவதா எனப் பலரும் கருத்துக்களைத் தெரிவித்து வந்தனர்.

I dont why these fans are doing this all over again after I have established that this photo is fake.

Are they doing this for free or is this paid? https://t.co/pHirTu6500 pic.twitter.com/j4GhpRCHGr

— Chinmayi Sripaada (@Chinmayi) November 25, 2019

இந்நிலையில் சின்மயி தனது ட்விட்டர் பக்கத்தின் மூலம் இதற்கு பதிலளித்துள்ளார். அந்தப் பதிவில், ‘சமூக வலைத்தளங்களில் பரப்பப்படும் புகைப்படம் போலியானது. இதை நான் கூறிய பின்னரும் ரசிகர்கள் ஏன் இப்படிச் செய்கின்றனர் என்பதுத் தெரியவில்லை. இதனை இலவசமாகச் செய்கின்றனரா? அல்லது பணம் வாங்கிவிட்டுச் செய்கின்றனரா?’ எனக் கேள்வியெழுப்பி உள்ளார்.