சென்னையில் மழை பாதிப்பா? - இதோ உதவி எண்கள்...

தமிழகம் மற்றும் புதுச்சேரியில் அடுத்த மூன்று நாட்களுக்கு கனமழை பெய்யும் என சென்னை வானிலை மையம் தெரிவித்துள்ளது. தமிழகத்தில் இன்று  பரவலாக பலத்த மழை பெய்து வருகிறது.

மதுரை, சென்னை, கோவை, குமரி, கடலூர், புதுக்கோட்டை, ராமநாதபுரம் உள்ளிட்ட பெரும்பாலான மாவட்டங்களில் கனமழை கொட்டியது. சென்னையில் கனமழையின் காரணமாக பல இடங்களில் போக்குவரத்து பாதிக்கப்பட்டுள்ளது. மேலும் பல இடங்களில் சாலைகளில் நீர் தேங்கியுள்ளது. சென்னையில் கிண்டி, கோடம்பாக்கம், அண்ணாநகர், அடையார், தரமணி ஆகிய பகுதிகளில் மழை பெய்து வருகிறது.

சென்னை மற்றும் அதனை சுற்றியுள்ள பகுதிகளில் மழைப்பாதிப்பு ஏற்பட்டால் பொதுமக்கள் உதவிகோரி அழைக்க , மாநகராட்சி உதவி எண்களை மாநகராட்சி அறிவித்துள்ளது. மழை குறித்தான பாதிப்புக்களை தெரிவிக்க 044-25384520, 044-25384530, 044-25384540 என்ற எண்களிலும், 9445477205 என்ற வாட்ஸ் ஆப் எண்ணிலும் தொடர்பு கொள்ளலாம்.