மாதவன் படத்தில் நடிக்கும் ஸ்டாண்டப் காமெடியன் அலெக்ஸ்

யூட்யூப் போன்ற சமூக வலைத்தளங்களில் புகழ் பெறுபவர்கள்,  சினிமா இயக்குநர்களால் உற்று நோக்கப்பட்டு தற்போது பட வாய்ப்புகளை பெற்று வருகின்றனர். விஜய் 64 படத்தில் பெரும்பாலான யூட்யூப் நட்சத்திரங்கள் நடிக்க ஒப்பந்தம் ஆகியுள்ள செய்தி பலரும் அறிந்ததே.

தற்போது யூட்யூப் பிரபலம் ஒருவர் மாதவனுடன் இணைந்து நடிக்க ஒப்பந்தம் ஆகியுள்ளார். சமீபத்தில் அலெக்ஸ் இன் ஒண்டெர்லேண்ட் என்கிற நிகழ்ச்சி மூலம் அதிகம் இணையத்தில் பேசப்பட்டவர் ஸ்டாண்ட் அப் காமெடியன் அலெக்சாண்டர். அலெக்சுக்கு சினிமாவில் நடிக்கும் வாய்ப்பு கதவை தட்டியிருக்கிறது. 

மாரா என பெயரிடப்பட்டுள்ள மாதவன் நடிக்கும் புதிய படத்தில் நடிக்க அலெக்ஸ் ஒப்பந்தம் ஆனதாக செய்திகள் வந்துள்ளது. இந்த படத்திற்கு ஜிப்ரான் இசையமைக்கிறார். விரைவில் படப்பிடிப்பு தொடங்க இருக்கிறது. ஒருகாலத்தில் சினிமா வாய்ப்பு பெற பட கம்பெனிகளுக்கு போட்டோக்களை எடுத்துக்கொண்டு ஆடிசன்களில் கலந்து கொண்டு இத்தனை கட்டங்களைத் தாண்ட வேண்டும். ஆனால் சமீப காலங்களில் யூட்யூப், டிக்டாக், முகப்புத்தகம் என வீடியோக்களில் பிரபலமாகும் நபர்களுக்கு சினிமா வாய்ப்புகள் தேடி வருகிறது. இந்தக்கால இளைஞர்கள் லக்கி தான்.